Ish-presidenti amerikan, Jimmy Carter vuri në dyshim legjitimitetin e presidencës së Donald Trump të enjten, duke thënë se ai ka të ngjarë të mos ishte në Shtëpinë e Bardhë nëse rusët nuk do të ndërhynin në zgjedhjet presidenciale të 2016-ës.

“Unë mendoj se një hetim i plotë do të tregonte se Trump nuk i fitoi në të vërtetë zgjedhjet në 2016. Ai humbi zgjedhjet dhe u vu në detyrë sepse rusët ndërhynë në emër të tij,” ish-presidenti, i cili shërbeu midis 1977 dhe 1981, tha në një panel të organizuar nga Qendra Carter në Leesburg, Va.

Carter nuk ka qenë një kritik veçanërisht i zëshëm i presidentit dhe ndonjëherë ka lavdëruar politikat e Trump, siç është vendimi i Trump për të mos ndërmarrë veprime ushtarake kundër Iranit. Presidenti më i vjetër i gjallë dhe Trump folën gjithashtu në telefon në prill pasi Carter i shkroi presidentit për negociatat e tij tregtare me Kinën, trasnmeton kk.

Gjatë ngjarjes të së enjtes, Carter bëri thirrje që Trump të dënojë Rusinë për ndërhyrjen e tyre në zgjedhje dhe tha se ai duhet “të pranojë se ka ndodhur”, siç ka deklaruar tashmë komuniteti i inteligjencës.

Hetimi gati dy-vjeçar i ish-këshilltarit special Robert Mueller nuk gjeti prova të mjaftueshme që fushata e Trump-it bashkëpunoi me zyrtarë rusë për të dëmtuar Clinton-in dhe për të rritur ofertën presidenciale të manjatit të pasurive të paluajtshme. Megjithatë, raporti, i cili u publikua në mes të prillit, parashtronte në detaje se si Kremlini përdorte teknikat e hakerave dhe fushatat e dezinformimit në përpjekje për të ndikuar në rrugën e zgjedhjeve të Trump.

Trump ka mbajtur fort qëndrimin e tij se rusët nuk luajtën asnjë rol për ta ndihmuar atë të zbriste në Zyrën Ovale. Ai ka hedhur poshtë idenë se ndërhyrja ruse ndikoi në rezultatin e zgjedhjeve të vitit 2016, duke e quajtur atë “një mashtrim”, ndër emra të tjerë.

Dhe vetëm disa orë pas komentit të Carter, Trump përsëri hodhi poshtë përpjekjet për ndërhyrje të Rusisë. Ndërsa takohej me Vladimir Putin në samitin e G-20 në Japoni, Trump iu drejtua presidentit rus dhe i tha me shaka: “Mos u ndërhy në zgjedhje, president. Mos u ndërhy në zgjedhje”.